“rúa da cancela” en vigo

caldeirón en vigo

 

este venres ás 20.00 en librouro (vigo) participarei dun novo recital-presentación dos libros de caldeirón.

será para presentar os libros todos desta colección de poesía erótica na que se publican as obras gañadoras do certame de poesía erótica illas sisargas que convoca anualmente a a.c. caldeirón e o concello de malpica.

compartirei mesa con recital antonio garcía teijeiro (gañador da 1ª edición do premio) e maría lado (a gañadora de 2010 que acaba de ver publicado o seu libro amantes).

a ver se nos vemos por aí.

pel con pel

este domingo estarei na presentación de pel con pel, un volume que publica editorial galaxia en colaboración con fedegalma.

o volume contén as fotos premiadas no II concurso sobre lactación materna que organizou fedegalma, acompañadas de textos de escritores e escritoras do país: dores tembrás, marta dacosta, begoña caamaño, ledicia costas, francisco castro, alfredo ferreiro, xosé maría álvarez cáccamo, román raña, yolanda castaño e mais eu.

a cita é no centro sociocultural das fontiñas ás 16:30.

xxv aniversario do premio de poesía maría soliño

hai uns días participei na festa do xxv aniversario do premio de poesía maría soliño que organiza o i.e.s. homónimo en cangas.

fun convidado porque participara como xurado (con rafa villar, marta dacosta e paco souto) da edición de 1996. e xa choveu!

foi un acto fermoso para celebrar un momento importante: levar adiante un certame durante tanto tempo, como lembrou marta na súa intervención, é tarefa que require constancia, esforzo e cariño.

a sol e á xente da directiva do i.e.s. non lles falta nada diso.

no recital poético, lin un texto meu e mais o poema das claudias de celso, que levara o premio alá por 1990.

aí tendes unha foto miña durante o acto.

eduardo estévez no ies maría soliño

eduardo estévez no ies maría soliño

e aquí tendes máis fotos!